Vuorrasiidáittardeaddji birra

Mii ovddastat vuorrasiid áššiid almmolaš ja priváhta doaimmahagaide Norggas.

PUBLISERT:
05.05.2021
OPPDATERT:
05.05.2021

Mii lea vuorrasiidáittardeaddji?

Vuorrasiidáittardeaddji lea iešheanalaš ja sorjjasmeahttun nationála stáhtaorgána mii ásahuvvui 2020:s.

Min bargu lea ovddidit vuorrasiid beroštumiid buot servodatsurggiin, ja čuovvut mielde mo vuorrasiid dilli lea.

Mii gávdnot vai vuorrasiid dárbbut ožžot eanet fuomášumi ja vai sin áššit loktejuvvojit juohke sajis. Ii leat biddjon vuolimus ahkemearri dasa geat sáhttet definerejuvvot vuorasolmmožin.

Mii leat okta dain stáhtalaš áittardeddjiin Norggas.

Beate Lund Jacobsen lea vuorrasiidáittardeaddji ja jođiha barggu Vuorrasiidáittardeaddjis. Gonagas stáhtaráđis nammadii Jacobsena virgái ja son bargagođii suoidnemánus 2020:s. Virgi vuorrasiidáittardeaddjin lea jahkemearrevirgi mii bistá guhtta jagi. 

Maid mii dahkat?

Mii ovddastat vuorrasiid áššiid politihkkariidda, almmolaš etáhtaide ja priváhta doaimmahagaide.

Mii rávvet ja juohkit dieđuid, cealkit mediai, buktit gulaskuddamiid ja gulahallat vuorrasiiguin, oapmahaččaiguin, eiseválddiiguin, organisašuvnnaiguin ja fitnodagaiguin. 

Váldde oktavuođa minguin

Mii áinnas háliidat gullat dus. Buohkat sáhttet váldit minguin oktavuođa – leaš dal addin dihte dieđuid dahje jearrat mis juoidá.

Mii háliidat gullat buohkain geat sáhttet addit midjiide dieđuid mo vuorrasiid dilli lea iešguđetge oktavuođain. Makkár hástalusat ja vejolašvuođat leat du mielas vuorrasiin Norggas? Muital midjiide dan birra.

Mii vástidat jearaldagaid, rávvet ja bagadat nu guhkás go mis lea dasa kapasiteahta. Mis ii leat fápmudus mearridit ovttaskasáššiid dahje moaitagiid. Muhto mii sáhttit čujuhit áššiid rivttes instánsii jus lea dárbu.

Mii bivdit ahte it sádde sensitiiva persondieđuid e-poastan.

E-poasta: post@eldreombudet.no

Telefovdnaguovddáš: 70 30 51 80

Poastačujuhus: Postboks 228 Skøyen, 0213 Oslo